Aski ch’amt’añatakiwa, akiri región andina suyunkirinakataki amtawinaka phuqapxañataki, yanapasipxañatakiwa; ukhama, apachita qullu uraqinakaru, jaqinakaparusa suma jakasiñaru ch’amt’apxañapatakiwa. Jach’a qullu uraqinaka suma apnaqasisa, uñjasisa, p’iqt’asisawa sarantayasiñapaxa; ukhama kikparaki, aka región andina qullunakana utjarisi jaqinakataki aski sartayañatakiwa akiri: políticas, lurayawinaka, amtawinaka, wakichawinaka, ukhamasa, Pachamama uraqi usutapasa pisipayañapatakiwa.

Pä waranqa kimsa tunka maratakixa, IAM ukaxa mä jach’a wakichawiwa, ukampixa jach’a qullu uruqinakaxa askiwa apnaqasini, uñjanixa. Ukhamasa, suma jakasiñataki yanaparakiwa, ukaxa anqa suyunaka amtawinakampi ODS amtawinakampi wakiyataskarakiwa. Ukatakixa:

• Aski qulluni uraqinaka apnaqañataki, uñjañataki ch’amanchasiwa; taqi ayllunkiri jaqinakatakisa juk’ampi nayraru sartapxañapatakiwa.
• Yanapawixa suyuypachana churasiwa, ukhama uraqi uñjaña amtawinaka yäqañataki, apachita qullunakatha taqini amuykipapxañatakisa ch’amanchasirakiwa.
• Yanapasiña juk’ampi utt’ayasixa, ch’amanchasixa, ukhama kikparaki apachita qullunakaru suma sartapxañapataki ch’amt’asirakiwa, ukhama yatichawimpi, yanapasiña wakichawinakampi, yatiwinakampi akiri ayllunakataki, qullunakatha p’iqt’irinakarusa yanapasiwa.

• • Mayachthapiwi

Iniciativa Andina de Montañas ukatakix wakiskir aski thakhiwa, aruskipt’asin luräwinakamp phuqhachäwimp ch’amanchas sarayata.

• • Chikanchasiwi

Iniciativa Andina de Montañas ukan kunkipax amtäwinak amtas turkakipasiñataki. Plataphurman irnaqas iyawsawimp yanapt’asiwimp suyt’awimp jaysaw amtaw thaqhata.

• • Jayataki

Qullunakar uñt’ayañatak chiqanchata, uñtanakampir saranakampir yäqasa sullkawirinakatak mä aski jaytañataki.

• • T’aqxtäwi

Amtanak utjayas jach’aptayaw ukat yaqha amtanak amtas apnaqäwi. Iniciativa Andina de Montañas
ukax irnaqañawjanakaniwa, institusyunanaka ukatx may may t’aqankir akturanakaw ukataypinx jikxatasi.

• • Qhana

Democracia ukan wali wakiskir amtawa, yatiyaw yatiñ tirichur chiqanchata. Iniciativa Andina de Montañax amtapamp kikipt’ir irnaqaw uñt’ayi.